BİZİM SÖZ İNTERNET QƏZETİ

Azərbaycanın 19 yaşlı futbolçulardan ibarət yığma komandası sabah Türkiyənin məşhur «Qalatasaray» klubunun aşağı yaş qrupu üzrə komandası ilə yoxlama oyunu keçirəcək. Bu barədə Trend News-a Azərbaycan Futbol Federasiyaları Assosiasiyasının (AFFA) mətbuat xidməti məlumat verib.

Türkiyədə təlim-məşq toplanışında olan Azərbaycan yığması «Qalatasaray»ın 19 yaşlılardan ibarət komandası ilə görüşəcək.

Barselonanın ulduz qolçusu bu gün səhər saatlarında Daşkəndə gəlib

Barselonunun ulduz futbolçusu Samuel Eto bu gün Özbəkistana gəlib. «Bizim Söz» Türkiyə mətbuatına istinadən xəbər verir ki, tətilini keçirdiyi ABŞ-dan xüsusi bir təyyarələ gələn Eto'onu ,Daşkənd Beynəlxalq Aerodromda Kuruvçi klubunun idarəçiləri və geniş  tərəfdar qrupu qarşılayıb. Tərəfdarlar «Xoş gəldin Eto'o» yazılı plakatlarla qarşılanan futbolçuya yüzlərəl çiçək təqdim olunub.

Junior Osvadlo iki həftəliyə sıradan çıxıb

Azərbaycanı UEFA kubokunda təmsil edəcək «Xəzər-Lənkəran» futbol klubu ciddi itki ilə üzləşib. Bu barədə Trend News-a çərşənbə günü klubun mətbuat xidməti məlumat verib.

Komandanın Braziliyadan olan futbolçusu Junior Osvadlo dünən keçirilən məşqdə zədələnib və iki həftəliyə sıradan çıxıb. O, «Xəzər-Lənkəran»ın UEFA kuboku çərçivəsində iyulun 17-də Bakıda Polşanın «Lex» komandası ilə görüşündə iştirak edə bilməyəcək.

Ulduz futbolçu federasiya prezidentimi olacaq?

Türkiyənin ulduz futbolçusu Hakan Şükür Çankaya köşkündə prezident Abdullah Güllə görüşüb. 1 saat davam edən görüş barəsində mətbuata açıqlamasında Hakan Şükür bunları deyib: «'Çempionluqdan  sonra Hörmətli Abdullah Gül, məni zəng edərək, təbrik etmişdi. Ankaraya gəldiyim zaman isə görüşmək niyyətini açıqlamışdı. Mən də buna görə bu gün prezidentlə görüşə gəldim. Bundan sonrakı fəaliyyətimlə bağlı Güllə ətraflı söhbət etdik».

Azərbaycanın «Qarabağ» futbol klubu Makedoniyadan olan müdafiəçi Zəkəriyyə Ramazani ilə bir illik müqavilə bağlayıb. Bu barədə bazar ertəsi Trend News-a «Qarabağ» klubunun baş məşqçisi Rasim Kara məlumat verib.

Müdafiə xəttinin mərkəzində çıxış edən makedoniyalı futbolçu «Qarabağ»ın Türkiyədə keçirdiyi təlim-məşq toplanışında iştirak edərək, yoxlama oyunlarında yaxşı təsir bağışlayıb.

Məşhur brazilyalı ulduzun kökəldiyi və siqaret çəkdiyi üzə çıxıb

Məşhur Braziliyalı futbolçu Ronaldo sevgilisi Maria Beatriz Antoni və bir qrup dostu ilə  birlikdə tətil edir.

«Bizim söz»ün türk məktbuatına istinadən yazdığına görə, İspaniyanın Formentera bölgəsində dənizin və günəşin dadını çıxaran Ronaldonun sevgilisi  Maria Beatriz Antoni gəmidə çılpaq şəkildə  günəş vannası qəbul edərkən fotokameraların obyektivlərinə düşüb.  Kameraların  onu lentə köçürdüyünü görsə də, rahatlığını heç pozmayan Antoni tətilin dadını belə çıxarır.

Türkiyənin Trabzonspor kulubu Argentinalı ulduz Aimar üçün Portuqaliyanın Benfika komandası ilə böyük rəqabətə girib.

Klub rəhbərliyi Argentinalı yarımüdafiəçini transfer etmək bütün imkanlarını səfərbər edib. Bir müddət əvvəl Aimarla aparılan danışıqlar zamanı futbolçunun 12 milyon avro istəməsi razılığı pozsa da, Trabzonlular oyunçu üçün İspaniyanın Real Saraqosa kulubu ilə danışaqları davam etdirir.

Həmkarları ondan Mərkəzi Hakimlər Qurumuna şikayət ediblər

Keçən mövsümün sonu  Diyarbəkirdə Qalatasarayın çempionluq bayramına klubun forması geyərək gələn Diyarbəkir bölgə hakimi Yıldıray Aslan əsas hakimlərin heyətindən çıxarılaraq, həvəskarlara salınıb.

Cəmi 1 il idi ki, Super Liqa matçlarını idarə etməyə başlamış Yıldıray Aslanın Qalatasarayın formasını geyməsi ilə yanaşı, bu kulubun tərəfdarları arasında tez tez görünməsi və hətta sarı-qırmızılıların azarkeşi olduğu üzə çıxıb.

Azərbaycanın futbol azarkeşləri “Neftçi» klubunun UEFA-İntertoto kubokunda Belçikanın «Jerminal» komandası ilə oyununu pulsuz izləyə bilərlər. Bu barədə çərşənbə axşamı Trend News-a «Neftçi» klubunun vitse-prezidenti İlqar Quluzadə deyib.

«Neftçi» UEFA-İntertoto kubokunun ikinci mərhələsinin Belçikada keçirilən ilk oyununda «Jerminal»la görüşdə 1:1 hesablı sərfəli nəticə qazanıb. Bu oyundan sonra Bakı klubunun UEFA-İntertoto kubokunun sonuncu – üçüncü mərhələsinə vəsiqə qazanmaq şansı yetərincə yüksəkdir.

Braziliyalı futbolçunun sol ayağının diz sümüyü qırılıb

Yeni mövsüm üçün hazırlıqlara başlayan Türkiyənin «Fənərbaxça» kulubu ağır itkiyə məruz qalıb. Bu gün  Avstriyaya gedən «Fənərbaxça»da, indi sol ayağının diz sümüyü qırılan Devid De Souza şoku yaşanır.

«Bizim söz»ün klubun rəsmi internet saytına istinadən yaydığı xəbərə görə,  sarı-göylü komanda Avstriyanın Kitzbuheld  şəhərində yeni mövsüm hazırlıqlarına başlamağa hazırlaşarkən, Deivid Souzanın şikəst olması bütün kulubu sarsıdıb.