BİZİM SÖZ İNTERNET QƏZETİ

Fiona Brukes xəbərlər proqramını təqdim edərkən ayaqlarını sərgiləyibmiş…

İngiltərənin "Yellowtail" şərab firması, "Hansı xəbər aparıcısı ilə bir axşam keçirmək istəyərdiniz" sualı ilə sorğu keçirib. «Bizim söz» İngiltərə mətbuatına istinadən xəbər verir ki, sorğunun nəticələrinə görə, respondentlər ən cazibədar kişi xəbər aparıcısı kimi 58 yaşlı Ceremi Paxmanı, qadın xəbərçisi kimi isə Fiona Brukesi seçib. Şərab firmasının səlahiyyətlisi Libbi Nutt, "Ceremi və Fionanın birinci olmaları sürpriz deyil. Çünki ikisi də intellektual olmaqla yanaşı, həm də cəlbedicidirlər " deyib.

Meksikanın təhlükəli Sinaloa ştatında polis əməkdaşları tətil ediblər. Etiraz edənlərin əsas tələbi əməkhaqqlarının artırılması və iş şəraitin yaxşılaşması barədədir. Tətilin elan olunmasından az əvvəl isə bir polis əməkdaşı narkotik maddələrin qeyri-qanuni satışı ilə məşğul olan qrup tərəfindən öldürülüb. Bundan sonra asayiş keşikçiləri həyatlarının sğortalanmasınıda tələb ediblər.

Terrorçuların yeni siyahısında tanınmış ABŞ siyasətçilərinin adı da var

ABŞ terrorçuların yeni siyahısını tərtib edib. Siyahıda terror şübhəlisi qismində 1 milyondan çox adamın adı yer alıb.

ABŞ-ın Terrorla Mübarizə Mərkəzinin məlumat bankında 2007-ci ilin Sentyabr ayında 700 mindən çox terrorçunun adı olduğu halda, bu ədədin ayda orta hesabla 20 min artdığı barədə məlumatlar var. Terrorla Mübarizə Mərkəzinin məlumatında deyilir ki,  Son artımlarla birlikdə, siyahıda bu an 1 milyondan çox ad var.

Almaniyada təşkil edilən marafona qatılan 600 atletdən ikisi vəfat edib

Almaniyanın ən yüksək nöqtəsi olan 2 min 800 metr yüksəklikdəki Sugspitz Dağına marafon ölümlə nəticələnib. 16 kilometrlik marafona 600 adam qatılıb. Yarışmaçılardan ikisi finala qısa bir məsafə qalarkən, oksigen çatışmamazlığı və donma səbəbindən yoluna davam edə bilməyərək, yerə yıxılıb. Sərt hava şəraiti üzündən vertolyotlar yardıma gələ bilmədiyi üçün, 41 və 45 yaşlı idmançılar vəvat edib. Tənəffüs problemi çəkən altı idmançı isə xəstəxanaya aparılıb.

Ötən gecə naməlum şəxslər konsulluq ərazisinə içərisində yandırıcı maye olan şüşə atıblar. Hadisə nəticəsində xəsarət alan olmasa da, Amerika diplomatik idarəsinin binalarından biri yanıb. Hökumətin məlumatına görə hazırda yanğın söndürülüb. Polis fakila bağlı araşdırmalara başlayıb.

«Bizim Söz» İngiltərənin «Sunday Times» istinadən xəbər verir ki, qəzetə müsahibəsində ABŞ Müdafiə nazirliyinin səlahiyyətliləri Corc Buşun İsrail hökumətinə "Hücum üçün hazırlıqlarınızı davam etdirin kimi» mesaj verdiyini söyləyiblər. «Ani hərəkətə keçmək üçün startda olun» deyən, ABŞ Prezidenti İranı növbəti dəfə müharibə ilə hədələyib. Amma, «Sunday Times»ə görə, ABŞ ordusundakı bəzi yüksək rütbəli generalların İrana hücum mövzusunda Buşa qarşı çıxıb. Buna görə ola biləcək hər hansı qarşıdurmaya ABŞ-ın birbaşa olaraq qatılmaması, İsraili sual qarşısında qoyub.

«…Mən Kraliçdan daha önəmliyəm»

Türkiyədə Albalı Festivalına qatılan bu ölkənin Maliyyə Naziri Kamal Unakıtan və həyat yoldaşı Ahsansa Unakıtan festivalın keçirildiyi Ələkçidəki albalı bağına gəzintiyə çıxıblar. «Bizim söz» Türkiyə mətbuatına istinadən xəbər verir ki, nazir Unakıtan, buradakı çıxışında həyat yoldaşı Ahsansa Xanım ilə ikinci dəfə bura gəldiklərini deyərək, bu bölgənin, ölkənin cənnət güşələrindən biri olduğunu qeyd edib.

ABŞ-ın keçmiş Xarici İşlər Naziri Madlen Olbraytın Kosovanın baş naziri Haşim Tacı ilə cinsi əlaqə olduğu barədə ŞOK İDDİA

H.Tacı  xanım Olbraytdan cinsi əlaqə müqabilində Kosovanın müstəqilliyinin tanınmasını istəyirmiş

ABŞ-ın sabiq  Xarici işlər Naziri Madlen Olbraytla Kosovanın hazırkı  Baş naziri olan Haşim Tacı arasında «seksual əlaqə»nin olduğu barədə şok xəbər yayılıb.

Müstəqil jurnalist, keçmiş  kəşfiyyat əməkdaşı olan Vayne Madsen bu iddiası ilə bütün dünyanı qarışdırıb.  «Bizim söz» ABŞ mətbuatına istinadən xəbər verir ki, Demokrat Partiyasından  ABŞ prezidentliyinə namizəd Senator Barak Obamanın xarici siyasət üzrə məsləhətçisi çalışan  xanım Olbrayt Kosovanın baş naziri ilə cinsi əlaqədə olaraq, Xarici işlər naziri vəzifəsindən sui-istifadə edib.

Dini qruplar şirkəti üzr istəməyə məcbur etdi

Bir dezdorant firmasının təqdimatı üçün paytaxt İsrailin paytaxtı Tel-Əvivdə təşkil edilən hovuzbaşı şənliyində DJ-lik edən və gecənin irəliləyən saatlarında paltarlarını çıxarıb, çılpaq qalan məşhur Belliçi, ölkənin mühafizəkar Yəhudiləri ayağa qaldırıb.

Dini qruplar artıq indidən firmanı boykot çağırışı ediblər. Bun cavab olaraq isə şirkət cəmiyyətidən yazılı üzr istəyib. Ancaq üzrü qəbul etməyən, bir daha belə bir hadisənin yaşanmaması üçün firmanın üzr mətinini ölkədəki bütün qəzetlərdə nəşr etməsini tələb edir.

New York Times-dan ilginc iddia

ABŞ-ın əhəmiyyətli qəzetlərindən olan «The New York Times»ın yazdığına  görə İran, bu günlərdə uçuşunu həyata keçirdiyi «Şahab» raketlərinin fotoşəkillərində photoshop-dan  istifadə edərək, hiyləyə əl atıb.

İddiaya görə İran, eyni raketlərin fotoşəkillərini çoxaltmaq yolu ilə eyni anda bir çox raketin odlanıb və havaya uçduğu təsvirini yaradıb.