Xaqani Emin: “Arif İsgəndərov cəzalandırılmalıdır”
Türk Millətçi Partiyası (TMP) başqan əvəzi Xaqani Emin Lənkəran Dövlət Universitetinin rektoru Arif İskəndərovun “Talışlar və Kadusilər” kitabının dövlətin müvafiq qurumları tərəfindən təcili araşdırılmasına ehtiyac olduğunu bildirən bəyanatla çıxış edib. Partiyanın rəsmisi "Bizim söz"ə bunları deyib : “Bu kitab tarixi faktların təhrifi üzərində yazılıb və Azərbaycan türkünə düşmən münasibətin təzahürüdür.
Fikrimizcə, bu kitab qadağan edilməli, müəllifləri isə cəzalandırılmalıdır. Belə bir antitürk kitabın müəllifi strateji obyekt olan Lənkəran Dövlət Universitetinə rəhbərlik edə bilməz. Biz - türk millətçiləri Azərbaycan dövlətini onun tarixinə, keçmişinə ləkə gətirən, daxıldə süni milli təfriqələr yaratmağı planlaşdıran qrupları zərərsizləşdirməyə çağırırıq. Hesab edirik ki, Arif İsgəndərov kimilərinin yeri Novruzəli Məmmədovun yanıdır”.
Emin/ "Bizim söz"