BİZİM SÖZ İNTERNET QƏZETİ

Akif  ƏLİ,

...“Əkinçi” qəzetindən gül ətri gəlir. 

Bu bir həqiqətdir. Böyük maarifçi-demokrat Həsən bəy Zərdabinin Azərbaycana gətirdiyi jurnalistika peşəsi sahəsində müəyyən uğurlar qazanmış həssas bir həmkarımızın amma çox kobud bənzətməsinə rəğmən, “Əkinçi” qəzetindən “tövlə” iyi yox, əsil Mədəniyyət Gülüstanının xoş rayihəsi yayılır. Sadəcə bu qəzeti başdansovdu oxumayasan və oxuyanda 133 il (yüz otuz üç il !) arxaya baxıb o zamanın ab-havasını, məmləkətin halını, millətin vəziyyətini və dünyanın gərdişini təsəvvürünə gətirə biləsən. Onda Həsən bəyin xalq naminə fədakarlığını görər, xeyirxah “Əkinçi”nin nurlu amalını dərk edərsən.

Azərbaycanın 19 yaşlı futbolçulardan ibarət yığma komandası sabah Türkiyənin məşhur «Qalatasaray» klubunun aşağı yaş qrupu üzrə komandası ilə yoxlama oyunu keçirəcək. Bu barədə Trend News-a Azərbaycan Futbol Federasiyaları Assosiasiyasının (AFFA) mətbuat xidməti məlumat verib.

Türkiyədə təlim-məşq toplanışında olan Azərbaycan yığması «Qalatasaray»ın 19 yaşlılardan ibarət komandası ilə görüşəcək.

Xaqani Emin: “Arif İsgəndərov cəzalandırılmalıdır”

Türk Millətçi Partiyası (TMP) başqan əvəzi Xaqani Emin Lənkəran Dövlət Universitetinin rektoru Arif İskəndərovun “Talışlar və Kadusilər” kitabının dövlətin müvafiq qurumları tərəfindən təcili araşdırılmasına ehtiyac olduğunu bildirən bəyanatla  çıxış edib. Partiyanın rəsmisi  "Bizim söz"ə bunları deyib : “Bu kitab tarixi faktların təhrifi üzərində yazılıb və Azərbaycan türkünə düşmən münasibətin təzahürüdür.

Azərbaycan Ordusunun əsgərini elektrik cərəyanı vurub. Gəncə Hərbi Prokurorluğundan cümə axşamı Trend-News-a verilən məlumata görə, Gəncədəki N saylı hərbi hissənin əsgəri Musayev Tural çərşənbə günü elektrik cərəyanının vurması nəticəsində yerindəcə dünyasını dəyişib.

Musayev ötən ilin aprelində Bakının Nərimanov rayon Hərbi Komissarlığından hərbi xidmətə çağırılıb.

Fiona Brukes xəbərlər proqramını təqdim edərkən ayaqlarını sərgiləyibmiş…

İngiltərənin "Yellowtail" şərab firması, "Hansı xəbər aparıcısı ilə bir axşam keçirmək istəyərdiniz" sualı ilə sorğu keçirib. «Bizim söz» İngiltərə mətbuatına istinadən xəbər verir ki, sorğunun nəticələrinə görə, respondentlər ən cazibədar kişi xəbər aparıcısı kimi 58 yaşlı Ceremi Paxmanı, qadın xəbərçisi kimi isə Fiona Brukesi seçib. Şərab firmasının səlahiyyətlisi Libbi Nutt, "Ceremi və Fionanın birinci olmaları sürpriz deyil. Çünki ikisi də intellektual olmaqla yanaşı, həm də cəlbedicidirlər " deyib.

Elçin Behbudov: «Mənə apardığım araşdırmalara görə qəsd edə bilərlər»

Dünən «Yeni Müsavat» qəzeti hüquq müdafiəçisi, İşgəncələrə Qarşı Azərbaycan Komitəsinin rəhbəri Elçin Behbudovun maşınından 50 min manat pul aparılması barədə məlumat yayıb.

Xəbərdə bildirilir ki, E.Behbudov hadisədən şok keçirərək ağır vəziyyətə düşüb. Qəzet hadisəni təsvir edərək, maşının şüşəsinin sındırıldığını, gizli yerdən 50 min manat pulun götürüldüyünü yazmaqla yanaşı, oğruların kifayət qədər məlumatlı olduğunu qeyd edib.

Meksikanın təhlükəli Sinaloa ştatında polis əməkdaşları tətil ediblər. Etiraz edənlərin əsas tələbi əməkhaqqlarının artırılması və iş şəraitin yaxşılaşması barədədir. Tətilin elan olunmasından az əvvəl isə bir polis əməkdaşı narkotik maddələrin qeyri-qanuni satışı ilə məşğul olan qrup tərəfindən öldürülüb. Bundan sonra asayiş keşikçiləri həyatlarının sğortalanmasınıda tələb ediblər.

Barselonanın ulduz qolçusu bu gün səhər saatlarında Daşkəndə gəlib

Barselonunun ulduz futbolçusu Samuel Eto bu gün Özbəkistana gəlib. «Bizim Söz» Türkiyə mətbuatına istinadən xəbər verir ki, tətilini keçirdiyi ABŞ-dan xüsusi bir təyyarələ gələn Eto'onu ,Daşkənd Beynəlxalq Aerodromda Kuruvçi klubunun idarəçiləri və geniş  tərəfdar qrupu qarşılayıb. Tərəfdarlar «Xoş gəldin Eto'o» yazılı plakatlarla qarşılanan futbolçuya yüzlərəl çiçək təqdim olunub.

Qəzetimizin sorğusu başa çatdı

«Bizim söz» İnternet  Qəzetində(www.bizimsoz.tk) iyulun 8-dən jurnalistlər arasında davam edən «Mediaya ən açıq mətbuat xidməti rəhbəri kimdir» adlı sorğu bu gün başa çatıb. Qəzetin redaksiyasından daxil olan xəbərə görə, 22 iyul Mətbuat Günü münasibəti ilə keçirilən sorğuya ümumilikdə 222 respondent qatılıb. Sorğuya isə fəallığı ilə seçilən 8 dövlət qurumunun Mətbuat Xidmətləri rəhbərlərinin adı daxil edilib(XİN, DYP, BŞTİ, DİN, MM, TN, MN, Nazirlər Kabineti).

Seçkilərdən sonra haqqında şikayətlər çoxalan rayon rəhbərləri cəzalandırılacaq

«Bizim söz»ə etibarlı mənbələrdən maraqlı informasiya daxil olub. Xəbərdə bir neçə icra başçısının seçkilərdən dərhal sonra vəzifəsindən uzaqlaşdırılacağı qeyd olunur. Məlumata görə, haqqında yerli sakinlər tərəfindən şikayətlər çoxalan, eyni zamanda hakimiyyətdə dayaqları sarsılan Astara, Ağstafa, Biləsuvar və Masallı rayonlarının icra başçıları cəzalandırılacaqlar.  Hətta onların seçkilərdən sonra vəzifələrindən gedəcəkləri barədə məlumat, rayon rəhbərlərinin özlərinə də çatdırılıb. Başçıların qarşısında son olaraq, prezident seçkiləridən hər hansı səhv etməmək tapşırıqı qoyulub. Əks halda onlara daha ağır cəzaya məruz qalacaqları haqda xəbərdarlıq edilib.